Devant la Coniuration, d'auantage ce que nous auons ja dict, le Demoniack a est‚ empeschee de tirer la langue & de parler, quand on luy a mis en la bouche vne petite croix d'or, o— il y auoit quelque relique, que donna quelqu'un qui se trouua l…. Et l'Euesque voyant que le Diable ne respondoit plus, ne maudissoient plus, & ne disoit plus ses accoustumees vilaines paroles: mais, ne faisoit que la tourner, & comme maschotter, la luy arta de la bouche, afin que le Diable respondist aux interrogations.

 Plus Beelzebub demand vne piece d'or qu'il auoit baillee … Vreuin au Religieux de Motta, pour la luy garder iusques … ce qu'il feust chass‚ de ce corps. Ou autrement, si elle ne luy estoit rendue: Qu'il ne sortiroit point. Ce que oyant le bon Abb‚ de Sainct Vincent, soudain il enuoya son lacquais, que le Diable mena‡oit s'il y aloit … Velly audict Religieux de Motta, qui la baille au lacquais, & l'apporta. Et puis le Diable la renuoyant, il dist: N'estre pas sa piece. D'auantage, il crachoit contre le Notaire Gorret, & autres. Et ne faisoit aucun semblant de sortir.

 Ce que voyant le Reuerend pere Evesque, apres que reueremment estoit sur l'Eschauffaut, apport‚ le Sainct Sacrament accompagn‚ de la vraye Croix, & du cierge benict, Il prenoit ou neuf, ou huict, ou sept, ou trois billets de papier, esquels etoient escripts ces noms, Beelzebub, Cerberus & Astaroth aux premiers iours: Et apres Beelzebub, & Cerberus: & aux derniers, Beelzebub, seulement. Et le Diable incontinent disoit: Qui les auoit escripts: Ou l'Abb‚ de Saincte Vincent, ou le Notaire Gorret: Et s'il y auoit faute … l'escripture, encores que la femme ne la peut veoir, comme un t ou h pour un b: Ainsi notant la faute faict par changement, diminution, addition, ou mauvaise fa‡on des lettres. Or ce pendant que le Reuerend pere disoit: O malings Esprits maudicts de DIEV, les noms qu sont escripts en ce papier, en signe de malediction, & supplices eternels … vous preparez, seront icy brulez presentment au feu de la chandele benicte, Et tant serez tourmentez que vous en sortirez: Et que de faict il bruloit au feu du Cierge benict ces billets en signe de malediction, & du tourment de feu que le Diable endurera en enfer: Ce pendant, di-ie, que l'Evesque disoit ces mots, & que les billets bruloient: le Diable auec un' incredible deformit‚ faisant enfler la gorge & le ventre, fort cruellement il agitoit le corps de la pauure creature. Et ainsi se tourmentant fort asprement, se despitoit, maudissoit, blasphemoit, & maugreoit, disant: Vertu non pas de DIEV, Evesque gros martin, si ie te tenois, Ie t'accoustrerois bien, Ie t'accoustreroy bien. Que le ciel et la foudre tombe sur l'Evesque, sur le Doyen, et sur l'Abb‚ de Saincte Vincente, & que les autres n'ayent aucun mal. Et apres auoit grince les dents, tirant la langue plus que deuant, les grands, gros, terribles, espouuantables & esgarouillez yeu vians en la teste, elle se dressoit droicte, se iettoit … l'enuers, se renuersoit la teste vers les pieds, & avec telles horribles grimaces s'esclan‡oit en l'air, de sorte, que huict ou dix hommes estoient fort empeschez la tenir. Et tousiours le Reuerend pere l'Evesque l'adiuroit & luy commandoit de sortir. Outre plus en telle deformit‚ & grosseur, la Demoniacle faisoient en s'agitant vne merueilleusement horrible voix. En laquelle ensemblement et distinctement (comme trois doigts abassaint les marches, ouureroient le vent … trois tuyaux d'Orgues ensemblement sonans) estoient ouyz, le cry ou grongement d'un gros porceau, l'abboy d'un gros chien, & le muslement d'un gros taureau eschauff‚. Lequel cry triforme, a est‚ fort bien entendu & remarqu‚ aux premiers iours: Et depuis de chien et taureau: Et aux derniers le taureau seulement. Dont on cognoissoit Astaroth par le Pourceau; Cerberus, par le Chien: Et Beelzebub par le Taureau.

Compiled by Steven Connor as part of The Dumbstruck Archive, a continuing, online supplement to Dumbstruck: A Cultural History of Ventriloquism (Oxford: Oxford University Press, 2000).